Энэхүү чухал санаачилга нь Монгол Улс төдийгүй бүс нутгийн хэмжээнд хүүхдийн эрүүл мэнд, сайн сайхан байдлыг сайжруулахын төлөө хоёр байгууллага хичээл зүтгэл гарган ажиллаж буйн илэрхийлэл юм.
"Зүрх мартахгүй" төсөл нь хүмүүнлэгийн үйл ажиллагаагаа өргөжүүлэн Монгол Улсаас гадна Афганистан, Тажикстан, Киргизстан, Хойд Солонгост хэрэгжүүлэхээр төлөвлөж байна. Энэхүү төсөл нь эмнэлгийн мэргэжилтнүүдийн мэдлэг, туршлага солилцох, улмаар зүрх судасны үзлэг оношилгоо хийх, мэс засал зайлшгүй хийх шаардлагатай олон мянган хүүхдэд хүрч, туслах зорилготой юм.
“Бүс нутгийн хүүхдийн зүрх судасны үзлэг оношилгоо, мэс засал” төслийн эхний үе шатанд “Бундан” ТББ-аас зүрхний төрөлхийн гажигтай 1200 гаруй хүүхдийг үзлэгт хамруулсны 50 гаруй нь Афганистан, 110 гаруй Киргиз, 1000 гаруй Монгол хүүхэд, насанд хүрэгсэд байна. Төслийн хүрээнд Афганистаны хоёр, Киргизийн 11, Монголын 7 хүүхэд гээд нийт 53 хүүхдэд зүрхний нээлттэй мэс заслыг амжилттай хийн, амь насыг нь аварч амьдрал бэлэглэжээ.
Бундан ТББ Монгол Улсын алслагдсан 14 аймагт очиж, 1500 гаруй хүүхэд, насанд хүрэгчдэд зүрх судасны үзлэг оношилгоо хийжээ. Нийт 3000 гаруй үзлэг хийж, 277 хүүхдэд зүрхний мэс заслыг амжилттай хийсэн байна.
Зүрх судасны эмч Бундангийн Болдсайханы удирдлага дор хэрэгжиж буй уг төсөл нь хувь хүний амьдралыг сайжруулахаас гадна бүс нутгийн эв нэгдлийг бэхжүүлэх зорилготой юм. Киргизстаны хоёр хүүхдэд зүрхний нээлттэй мэс засал Монголд амжилттай хийсэн нь энэхүү хамтын ажиллагааны ирээдүйтэй эхлэлийн жишээ юм.
Төслийн баг нь бусдад тусалж, амь насыг аврах үйл хэрэгт олон нийтийн оролцоог дэмжин уриалдаг. Хүмүүсийн оруулсан хувь нэмэр, тусламж дэмжлэг нь эдгээр хүүхдүүдийн хувьд эрүүл энх, гэрэлт ирээдүйг бий болгоход тусална. Энэхүү хамтын ажиллагаа нь бүс нутгийн хэмжээнд хүүхдүүдийн амьдралд бодитой өөрчлөлт оруулахад маш чухал юм. ШХА-ийн тууштай дэмжлэг нь энэ чухал төсөл амжилттай хэрэгжихэд чухал үүрэгтэй бөгөөд энэхүү хамтын ажиллагаа эерэг үр нөлөөг бий болгоно гэдэгт илтгэл төгс байна.
Өнгөрсөн 5 дугаар сард болсон Төсөл хамтран хэрэгжүүлэх гэрээнд гарын үсэг зурах ёслолд төслийг санаачлагч доктор Болдсайхан, “Бундан” ТББ-ын гүйцэтгэх захирал хатагтай О.Нарантуяа, Гадаад харилцааны сайд Б.Батцэцэг, Швейцарын Холбооны Улсын Үндэсний зөвлөлийн гишүүн бөгөөд Гадаад харилцааны хорооны Ерөнхийлөгч Лаурент Вейрли, Швейцарын Холбооны Улсаас Монгол Улсыг хавсран суух Элчин сайд Юрг Бурри, ШХА-ийн Ерөнхий захирлын орлогч, Элчин сайд Арно Вики, Монгол дахь Швейцарын хамтын ажиллагааны захирал, доктор Стефани Бурри болон бусад хүндэт зочид оролцов.
Энэхүү санаачлагыг хэрхэн дэмжих талаар дэлгэрэнгүй мэдээллийг www.bundan.org сайтаас авна уу.
